Danmarkip tapiliuttagai imaaliallaannarlugit atorunnaarsinnaanngillat

februaarip 04-at 2006 16:14

Danmarkip Nunatsinnut ataatsimoortumik tapiissutigisartagai, 3,1 mia. koruuniusut, imaaliinnarlugit atorunnaarsinneqarnavianngitsut. aningaasarsiornermut naalakkersuisoq, Josef Motzfeldt naliliivoq. Itisiliinermut arfinermut aallakaatinneqartumut ima oqarpoq:

Danmarkip nunattalu akornanni aningaasatigut suleqatigiinnerup qanoq ilusilernissaa suliariniarlugu suleqatigiipput. 2006 2007-illu ukiuunerani Danmarkimi naalakkersuisunit tapiissutinik nutaamik 2008-mi atuutilertussamik, isumaqatigiinniarnissami kommissionip taassuma danskinik kalaallinillu inuttaqartoq qanoq isumaqatigiissuteqarsimanera aalajangiisorujussuussaaq. Danmarkilli aningaasaliuttagai ikiliartulissappata pingaaruteqassaaq nammineq nunatsinni amerlaqataanik pilersitsiniarnissarput.

Tassani imeq, nilak, aatsitassat uumassusulinnillu atuineq pitsaanerusoq isertitsiffiunerusoq naleqarnerusumillu isertitsiffiunerusoq anguneqartariaqarpoq. Suliassaq oqitsuunngilaq, tassami aningaasat 3 mia.koruuninik sinneqartut isertinniassagutsigit, ilungersorluta ataatsimoorlutalu sulisariaqarpugut. Josef Motzfelt "Itisiliinermi" taama oqarpoq.