- Maannamut paasisagut naapertorlugit takusimanngisarivarput ilungersunarluinnarporlu. Tassa qaartitsisoqarneranik erngangaatsiarneranik kinguneqarpoq. Tamanna eurpami nunat tamalaat akornanni Danmarkip, Sverigellu qanittuani imaani atortulersuutinut saassussineruvoq, Kofod oqarpoq.Assi: Emil Helms/Ritzau Scanpix

Danmarkip Rusland gassip aqqutaani qaartoqarnera pillugu oqaloqatiginngilaa

Østersømi gassuo aqqutaani erngartoqarnera ilungersunartuuvoq, nunanut allanut tunngasunut ministeri oqarpoq.

Østersømi gassip aqqutaasa Nord Stream 1-ip aamma Nord Stream 2-ip qaartartunik putuneqarsimaneri piaaraluni iliuuserineqartut danskit naalakkersuisui marlunngornermi taama oqarput.

Nunat EU-mi ilaasortat ataatsimoorlutik pingasunngornermi oqaaseqaataat aamma taamaappoq. Tamanna EU-mit tusagassiuutinut nalunaarummi atuarneqarsinnavoq.

Gassit aqqutaasa piaaraluni putuneqarsimasinnaanerat EU-mi nunat ilaasortanit quakkeerlugu paasineqarnissaa piumasarineqarpoq, piaaralunilu iliuuseqartumut imaluunniit iliuuseqartunut sakkortuumik qisuariaateqarnissaq piumasarineqarluni.

Rusland kusanaatsumik iliuuseqarsimasutut nunarpassuarnit isigineqarpoq, kisianni danskit nunanut allanut tunngasunut ministeriata Jeppe Kofodip toqqaannartumik Rusland pisuunersoq oqaatigerusunngilaa.

- Eqqoriaarusunngilanga, taamaaliortoqarsinnaavormi. Pissutsit eqqortut paaserusuppakka, suna ilumoortuunersoq eqqunngitsuunersorluunniit, Kofod oqarpoq

AAMMA ATUARUK Ruslandip Europamut gas-imik pilersuinerminik unitsitsinissani aarlerisaarutigaa

- Maannamut paasisagut naapertorlugit takusimanngisarivarput ilungersunarluinnarporlu. Tassa qaartitsisoqarneranik erngangaatsiarneranik kinguneqarpoq. Tamanna eurpami nunat tamalaat akornanni Danmarkip, Sverigellu qanittuani imaani atortulersuutinut saassussineruvoq, Kofod oqarpoq.

Taassuma nunani allani suleqatini ilaatigut amerikamiut nunanut allanut tunngasunut ministeriat ilaatigut oqaloqatigai. Kofodilli russit attaveqarfinianngilai.

- Taamaaliussanngilagut. Rusland naalagaaffiavoq, Ukrainemut inerteqqutaasumik sorsunnikkut saassussinermik aallartitsisoq tamannalu Europap isumannaatsuuneranut tamarmi aarlerinartorsiorfiuvoq. Qanoq paasisaqarnerput pillugu Rusland ilisimatitsiffigaarput. Tamannalu piaaraluni iliuuserineqartuunerarlugu, Kofod oqarpoq.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl