Danmarkip marloriaataa oqartussaaffigilerusuppaat
Savalimmiormiut danskillu Atlantikup avannarpasissortaata naqqa ukiut arfineq-marluk misissoreerlugu uuttortareerlugulu uppernarsaatit tunniukkamikkik misussugartik oqartussaaffeqarfigerusullugu Naalagaaffiit Peqatigiinnut saaffiginnissutigaat.
Immap naqqata sananeqaataa 2002-mili misissuiffigineqalerpoq maannamullu misissuinerit inerneri tunngavigalugit imartat nunamut sorlermut atanerat paasiniarlugu sulisoqarpoq. Pinngortitap pisuussutinik peqarsorisap pisuussutaasa atornissaanut Naalagaaffeqatigiinnerup iluani pisinnaatitaaffiunersoq qulakkeerniarlugu suliaq ingerlanneqarpoq.
- Savalimmiut avannaatungaaniittoq immap naqqa Danmarkip marloriaataatut angitigisoq oqartussaaffigilerusupparput, Ilisimatusarnermut ministeri Helge Sander oqarpoq.
Danmarkimi naalakkersuisut Savalimmiut Inatsisartui suleqatigalugit Naalagaaffiit Peqatigiit immanut oqartussaanernut isumaginnittaannut piumasaqaatitik paasissutissartallit tunniuppaat.
Immap naqqanik misissuisitsinerup siunertaasa ilagaat Naalagaaffeqaqatigiit Danmarkip, Savalimmiut Kalaallit Nunaatalu Qalasersuarmik piginnittussaajumanerat.
Atlantikup avannarpasissuani imartat marluk Savalimmiut avannaani kujataannilu imartat, nunattalu qanittuani sumiiffinni pingasuni imartat piumasarineqarput.
