Asseq toqqorsivimmit. Filmimit "Eksperimentet"-imit.

Oqaluttuarisaanermut ilisimatooq: Danmarkip Kalaallit Nunaatalu akisussaaffigaat

Meeqqat 22-t misileraatitut Danmarkimut aallartinneqarnikuunerat Danmarkip Kalaallit Nunaatalu akisussaaffigaat, ilinniagartooq isumaqarpoq.

Meeqqat 22-t Danmarkimut 1951-imi aallartinneqartut pillugit Kim Kielsenip Lars Løkke Rasmussenillu ippassaq ataatsimiissutigaat. Taakku marluullutik suliap nassuiaateqarfiginissaa oqaluttuarisaanermi pisimasunik paasinninnerunissamut iluaqutaassasoq isumaqatigiissutigaat. Danskit røde korsiata suliniut isumassarsiarigaluaraa landsrådip akuersinerisigut suliniut piviusunngortinneqarpoq.

- Landrådet aamma akisussaaqataasut oqaatigineqarsinnaavoq. Isumaqatigiissut taanna akuerigamikku, oqaluttuarisaaneq pillugu ilinniagartooq Einar Jensen oqarpoq.

AAMMA ATUARUK Utoqqatsertoqarnissaa neriuutigaara

Meeqqat 22-t Danmarkimut misileraatitut aallartinnissaannut isumassarsiaq 1950-imi landsrådini 18-it akuersissutigaat sisamat akerliusut. Danmarkimi røde korsip meeqqat taamani tallimat arfineq-pingasullu akornanni ukioqartut ilaquttaminnit arsaarinnissutigineqarlutik Danmarkiliaanneqarput. Danskillu atuarfiini oqaatsinik kulturiannillu ilinniartinneqareerunik nunatsinni maligassiuisunngornissaat siunertarineqarpoq.

Meeqqat Danmarkimeereerunik ilaquttaminnut angerlarnissaat siunertaagaluarpoq, tamannali allarluinnarmik ingerlavoq. Meeqqammi nunatsinnukaramik tamarmik meeqqat angerlarsimaffiannut inissinneqarput.

- Taava siunnersuut taanna Danmarkimut ministeriaqarfimmut ingerlateqqinneqarpoq tassanngaanniillu piviusunngortinneqarluni.

AAMMA ATUARUK Naalagaaffiup utoqqatsernissaa pissusissamisoorluinnarpoq

Suliniut landrådip itigartitsissutigisimasuuppagu taama pisoqarsimanavianngikkaluartoq ilinniagartooq isumaqarpoq.

- Landrådi naaggarsimagaluarpat taava siunnersuut taanna piviusunngortinneqarsimassanngikkaluartoq isumaqarpunga, Einar Jensen oqarpoq.

AAMMA ATUARUK Utoqqatsertariaqarneq Siumumit taperserneqartoq

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat