Danmarkip Island ikiorpaa

Islandip aningaaserivissuata Danmarkimi Nationalbanki maajimili isumaqatigiissutigineqarsimasumik 200 mio. euro-nik attartorfigisimagaa, nutaarsiassaqartitsiviup ritzaup allaaseraa.

Danmarkimi, Sverigemi Norgemilu aningaaserivissuit Islandimi aningaaserivissuaq maajimili tamatuminnga isumaqatigiissuteqarfigisimavaat taamaalilluni Islandimiut ulluni makkunarnerpiaq aningaasatigut atugarlioqisut aningaasaat atorlugit katillugit 1,5 milliarder euronik pisisinnaaniassammata.

Danmark, Norge kiisalu Sverige tamarmik immikkut 500 mio. euronik Islandimut isumaqatigiissuteqarnermikkut pilliuteqarput.

Islandimiulli aningaaserivissuata paasissutissiinera naapertorlugu isumaqatigiissutip imaraa Danmarki Norgelu katillugit 400 mio. euronik Islandimut aningaasanik nuussissasut.

- Kammalaatigut Islandimiut sapinngisarput tamakkerlugu ikiussavagut, ministeriuneq Anders Fogh Rasmussen tusagassiortunut avataaneersunut ullumi taama oqarpoq.

Ministeriunerulli oqaaseqarfigiumanngilaa nunat avannarliit taakku pingasuullutik taama Islandimut ikiorsiinertik Islandip Ruslandimut aningaasarpassuarnik atorniagai millilerniarlugillusooq taama iliornersut.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat