Danmarkip isikkamik arsaalluni nunanut allanut unammineri KNR-ikkuussanngillat
![](/sites/default/files/styles/image_934x467/public/article_images/knr_logo_630_1.jpg?itok=2uJCncbx)
Piginnittussaatitaasut, SBS, KNR-ip isumaqatigiissuteqarfiginiarsimagaluarpai, unamminerilli aallakaatinnissaat KNR-imut tunerusussimanngilai Nunatsinni aningaasarsiutigalugu TV-qarfinnut isumaqatigiissuteqareersimagami.
Kanal 5 Nunatsinni Danmarkimilu unamminernik aallakaatitsisuussaaq.
Danmarkip Europami isikkamik arsaalluni pissartanngorniunnissamut Frankrigimi 2016-imi ingerlanneqartussamut aamma nunarsuaq tamakkerlugu pissartanngorniunnissamut Ruslandimi 2018-imi ingerlanneqartussamut anngunniulluni unamminerisa aallakaatinneqarnissaannut piginnittussaatitaaneq SBS-imit pisiarineqarsimavoq.
Unammineq siulleq sapaatiuppat pissaq, Danmarkip Armenia Københavnimi unammissallugu, unamminerlu nalunaaqutaq ualikkut marlunut aallakaatinneqassaaq.