Danmarkip imartaani saarullittassiissutit EUmit ikilisinniarneqarput
Saarullik nunani EU-mi ilaasortaasuni pingaaruteqarnerpaavoq, taamaattumik saarulliit amerleqqillersut tusaraangatsigu taava piareeersimasariaqarpugut, immikkut iliuuseqarluta, EU-mi aalisarneq pillugu kommisærip Joe Borgip oqaaseqartittagaa taamatut oqarpoq. Kattegatimi ukiut 30-it matuma siornatigut saarulleqarluarsimavoq maannakkut taakkua 15iisa missaannik amerlatigisut Kattegattemiittut oqaatigineqarpoq, taamaattumik maannakkut saarulittarineqartartut sisamararterutaannik ikilisinneqarnissaat EU-mit siunnersuutigineqarpoq.
Saarullittassiissutigineqartartut ikilisinneqarnissaat avatangiisit pillugit illersuineqatigiiffimmit Greenpeace-mit naammagineqanngilaq, saarullinnik aalisartarnerup inerteqqutaalivinnissaa piumasarineqartariaqarpoq, avatangiisinik illersuiniaqatigiiffimmi Greenpeace-mi biolog-eq Hanne Lyng Winter oqarpoq. Danmarkimi aalisartut peqatigiiffiata Danmarks Fiskeriforeningip avatangiisit pillugit illersuiniaqatigiiffiup Greenpeace-p isummernera isumaqatigalugu nalunaarput. - Uagutsinnut annertunerusumik sunniuteqarnavianngilaq, sumiiffinni pineqartuni danskit aalisartui aalisarneq ajorput saarullit suumiiffinni pineqartuni nungutaanissaminnut ulorianartorsiortinneqarmata, Danmarkimi aalisarnermut peqatigiiffiup Danmarks Fiskeriforeningip siulittaasua Svend-Erik Andersen oqarpoq