Danmarkip Illersornissaqarfia nunatsinni allattoqarfittaartussanngortoq
Ilaatigut inuit kajumissutsiminnik upalungaarsimanermik suliaqartartut taakkualu suliffiisa suleqatigiinnerannik pitsanngorsaaneq allattoqarfimmit qulakkeerneqartassasoq, Illersornissaqarfik tusagassiutinut nalunaarummini allappoq.
Tamanna kalaallit sakkutuunngortut amerlinerannik kinguneqassasoq, danskit illersornissamut ministeriata Trine Bramsenip neriuutigaa.
AAMMA ATUARUK Ministerip Issittumi Sakkutooqarfimmi kalaallit amerlanerulersikkusukkai
- Illersornissaqarfiup Issittumi suliatigut Kalaallit Nunaannik suleqateqarneranik pitsanngorsaaneq suliassamma pingaarnersaasa ilagaat. Tamatumani suliassatigut naammassisassani kalaallinik peqataatitsinerunissaq ilaatigut pineqarpoq. InterForce Illersornissaqarfiup Kalaallit Nunaanni sakkutuussarsiortarneranut aamma iluaqutaassasoq, illersornissamut ministeri Trine Bramsen oqarpoq.
Illersornissaqarfik allattoqarfittaassami tassa InterForceleriffittaassami ataqatigiissaarisutut atorfinittussamik kalaallisut qallunaatullu oqaasilimmik sulisussarsiuleruttorpoq.
