Danmarkip ikinngutini sumiginnarpai
Iluanaarniutigalugu arfanniarnerup ingerlateqqinneqalernissaa Angoragemi maajip ulluisa 28-ianniit 30-ata tungaanut Arfanniarneq pillugu ataatsimiititaliarsuup 59-issaanik ataatsimiinnerani eqqartorneqarnissaa qularnaateqanngilluinnarpoq.
Politikenimi ullumi saqqummersumi tuluit Danmarkimi aallartitaat, David Frost, oqallissaaruteqarpoq qulequtsersimasaminik
” Danmarkip ikinngutini arfanniarneq pillugu apeqqummi sumiginnarpai”.
Arfanniarnerup inerteqqutaaginnarnissaa Tuluit Nunaata anguniaraa tuluit aallartitaata David Frostip allaaserisami oqariartuutigaa. Kalaallit Nunaata savalimmiullu arfanniartarnerat paasilluarsinnaavarput. Arfanniarnerlu pillugu Ataatsimiititaliarsuup Kalaallit Nunaata arfanniarsinnaanissaa pillugu ilisimatusarnikkut nalunaarutaa tapersersorparput, nunalli iluanaarniutigalugu arfanniartussat arfernik ikilisaaqqilernissaat ernummatigaarput, David Frost allaaserisami allappoq.
Folketingimi ilaasortaq Sofia Rossen nunanut allanut tunngassuteqartunut ministerimut, Per Stig Møllerimut, allaaserisaq pillugu maanna apeqquteqaateqarpoq, arfanniarneq Danmarkip qanoq inissisimaffigissaneraa.
