Danskit unammisartut Christian Eriksen ikiueqqaartartunit arsaaffimmi passunneqarnerani ungoqqagaat.Assi: Mads Claus Rasmussen/Ritzau Scanpix

Danmarkip EM-imi unamminera annilaarnartoq

Danmarkip Finlandimut unamminera Christian Eriksen arsaaffimmi ilisimajunnaarmat annilaarnartunngoriasaarpoq. Taassumali peqqissusaa maanna aalaakkaalluni patajaappoq.

Danmark isikkammik arsaannermi Europami pissartanngorniuunnermi siullermeertumik ullumi unammivoq.

Unammineq annilaarnartunngoriasaarpoq, tassami danskit nunanut allanut unammisartuini pitsaanerpaat ilaat, Christian Eriksen, Finlandimut unamminerup immikkoortuata siulliup naammassilivinnerani ilisimajunnaarpoq, uniinnarlunilu arsaaffimmi nalalerluni.

Iliminiilli nakorsanillu sukkasuumik unguneqarpoq, akiutinullu ilineqannginnermini uummatimigut tagiartorneqarpoq.

Chrstian Eriksenip ilii, Finlandimiullu tupassimaqaat.

Peqqissusaa ajunnginnerulertoq

Taanna ambulancenut ilaalluni qimagutsinneqarpoq. Europami arsaattartut kattuffiat (UEFA) naapertorlugu Chrstian Eriksenip peqqissusaa maanna aalaakkaalluni patajaappoq.

Unammineq nalunaaquttap akunnera ataaseq unitsikkallarneqareertoq, Danmarkimi arsaattartut kattuffiat (DBU) nalunaarpoq, arsaanneq nanginneqassasoq.

- Arsaattartut Christian pillugu unammipput. Arsarput pissutigalugu Christian ajunngimmat. Christiap ajunnginnera paasissallugu taakkununnga pingaaruteqarpoq. Taanna eqqumavoq, DBU-p pisortaa, Peter Møller oqarpoq.

UEFA naapertorlugu, arsaattartut namminneerlutik unammineq arsaqatiminnut, Christian Eriksenimut, tunngatillugu naammassissallugu aalajangerpaat.

Taannalu unammineq aamma tassaavoq  oqaluttuarisaanermi Finlandip unammersuaarnerni unamminera siullerpaaq. Unamminermi Finland ataaseraarluni ajugaavoq, danskit susaartut.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat