Danmarkip avataaniit tikisitsisa

. Pissutsit ilorraap tungaanut saatinniarlugit nunanit allaniit, aamma Danmarkip avataaniit, peqqissaasussarsiortalernissaq Kattuffiup periarfissatut taavaa. Kalaallit Nunaanni Napparsimasut Kattuffiata siulittaasua, Astrid Hansen Hard imatut oqarpoq;

- Isumaqarpugut isumannartoq, taamatut pisoqarnera massakkumut. Pissutigalugu napparsimasut pilatsinnissaminnut qaammatit taamatut utaqqereernikuullutik utaqqeqqissagunik, tamanna imaannaanngitsorujussuarmik kinguneqartussaavoq inuuneranut, aamma ajornartorsioreersut ajornartorsiornerulissapput, Astrid Hansen Hard oqarpoq. Minnerunngitsumik nunaqarfinni pilatsinnissaminnut utaqqisut angalanissaminnut periarfissaqaratik nikeriarsinnaanngitsut utaqqiseqqinneqassappata, Napparsimasut Kattuffiata akuerisinnaanngilluinnarpaa. Periarfissanik allanik ujartuisoqarnissaa aamma kattuffimmiit kaammattuutigineqarpoq. Danmarkimiit Limousine-sygeplejerskit, peqqissaasutut taartaasartut akisoorujussuit piunnaarlugit, nunanit allaniit peqqissaasut Kalaallit Nunaannut suliartornissaasa periarfissinnissaat tikkuarneqarpoq.

Peqqissaasutut ilinniarsimaneq nunani tamani assigiimmat Norgemi, Sverigemi Savalimmiunilu peqqissaasut Kalaallit Nunaanni atorfininniarnissaannut pilerisaarneqarnissaat Astrid Hansen Hardip periarfissatut isigaa.