Danmarkip arsaattartui EM-imi semifinalimut anngupput

Arnat isikkamik arsaallutik Europami pissartanngorniutileruttorput, Danmarkillu nunanut allanut unammisartui tupaallaatigineqartumik Tysklandimut 2-1-imik ajugaapput. Tyskland Europami pissartaavoq.
Assi © : KNR
Allattoq Ritzau
juulip 30-at 2017 12:18
Nutserisoq Mads Lynge

Theresa Nielsen Nadia Nadimilu Danmark sinnerlugu isertitsisuupput. Danmark unammineq aallartisimalaaginnartoq kinguaraluarpoq.

Tyskland Europami 1995-imiilli pissartaasarsimavoq. Tyskit taamanikkulli ajorsartinneqarsinnaasimanngillat, Rotterdamimili ullumi kvartfinalertoqarnerani tassa Danmarkimit ajorsartinneqarput.

Danmark Hollandimi Em-ertoqarnerani sisamanngorpat semifinalissapput, Østrig Spanialuunniit tassani unammineqassallutik.