Nunatsinni Tele-Postimik atuisartut aningaasartuutikinnerulissapput – imaluunniit Danmarkimut sianeraangamik sivisunerusumik oqaloqateqarsinnaalerput.
Ippassaq ulloq aallarnerfigalugu Danmarkimut oqarasuaatikkut naliginnaasukkut attaveqarneq minutsimut 1 krone ataallugu akeqalerpoq – tassa oqarasuaammik nalinginnaasumik atuisut manna tikillugu aningaasartuutigisartagaat affaannanngorput.
Tamanna ajornanngitsunnguuvoq, siulliullugu 10 10 45 toorneqassaaq, taava Danmarkimut oqarasuartarnertulli normu nalinginnaasumik toortarneqassaaq, 10 10 45
00 45-mut taarsiullugu.
Tele-Postimiit malugeqquneqarpoq, Danmarkimi oqarasuaatit angallattakkat aqqutaannut sianerneq akisunerusarmat, 10 10-li atorukku tassuunakkut aamma akikinnerusumik sianersinnaassaatit.
10 10 atortarusukkaanni ikkussueqqaartariaqanngilaq saniatigulluunniit immikkut qaammatikkaartumik akiliuteqartoqartariaqarani, periarfissaq una nalinginnaasumik telefonilinnut immikkut periarfissiissutaavoq.