Danmarkimut nuunniartut najoqqutassaqalerput

Allattoq Mads Lynge
marsip 19-at 2005 13:46

Kalaallit Danmarkimut nuukkusuttut maanna KANUKOKA-mit ikiorneqarsinnaanngorput.

KANUKOKA-p nittartagaanni Danmarkimut nuunniartut najoqqutassaat saqqummersinneqaqqammerpoq.

Najoqqutassiaq Danmarkimi kalaallit illuinit sisamanit suliarineqarsimavoq. Tassani atuarneqarsinnaavoq aallannginnermi suut isumagineqarsimassanersut.

Assersuutigalugu Danmarkimi inissaaleqinerujussuaq taaneqarsimavoq, suliffissaaleqisoqarnera aamma taaneqarpoq, pisortanillu tapisiaqarnerup qanoq ittuunera aamma assersuutigineqarpoq.