Danmarkimut nuunneq pillugu siunnersuiffiusumik nittartagaliortut

Nittartagaq nutaaq Nunatsinnit Danmarkimut nuunneq pillugu siunnersuutinik ilitsersuutinillu imaqartoq Danmarkimi kalaallit illuutaasa sisamaasut pingasunngornermi atuutilersissavaat.
Kalaallit Illuutaat Aarhusimiittoq Assi © : Google Streetview
Allattoq Kenneth Elkjær
januaarip 31-at 2017 10:49
Nutserisoq Simon Uldum -

Nittartagaq piffissami sivisuumi suliarineqarpoq, Kenddanmark.gl-millu aamma Kenddanmark.dk-mik taaguuteqartillugu pingasunngornermi atuutilersinneqassaaq.

Nunatsinnit Danmarkimut nuunnermi apeqquterpassuaqartarnera akissutissaqartikkumallugu Danmarkimi kalaallit illuutaasa sisamaasut suleqatigiillutik nittartagaq pilersippaat.

AAMMA ATUARUK Nittartagaq nutaaq Danmarkimut nuunneq pillugu paasissutissiiffiussaaq - danskisut

- Nuunnera qanoq ilillunga nalunaarutigissavara? Københavnip timmisartoqarfissuanit qanoq ilillunga ingerlaqqissaanga? Kørekorti Nunatsinneersoq Danmarkimi atorneqarsinnaava? Apeqqutit amerlapput, Kenddanmark.gl-imilu akissutissat tamaasa katersorneqarsimapput, kalaallit illuutaat tusagassiorfinnut nalunaaruteqarlutik taama allapput.

Nuunnermulli atatillugu apeqqutissat kisiisa nittartakkami sammineqanngillat. Aamma Danmarkimut nuunnerup kingorna kiserliulissagaluaraanni angerlarserluniluunniit qanoq iliortoqarsinnaaneranut siunnersuutissaqarpoq.