Danmarkimut nuunneq akornutissarpassuaqartarpoq
Kalaallit Danmarkimi pisortanut saaffiginniffissanik ajornartorsiortut immikkut siunnersorneqarlutillu ikiorserneqartarput.
septembarip 02-at 2010 06:17
Kalaallit siunnersorneqarnissamik ikiorserneqarnissamillu pisariaqartitsisut immikkut kalaallinut siunnersuisarfimmit ikiorserneqarnissaminnut periarfissaqartinneqarput.
- Inuit aningaasatigut oqaatsitigullu ajornartorsiuteqartut ornigukkajunnerusarput, aamma taakkuukkajunnerupput pisortanut saaffiginninnissaminnut nalornissuteqartut, Kalaallit Illuanni Odensemiittumi isumaginninnermut siunnersorti Susanne Hansen oqarpoq.
Inuit 50-it missaat ukiumut kalaallinut siunnersuisarfimmut ikoqqullutik saaffiginnittarput.
- Isumaqarpugut kalaallit amerlasuut Danmarkimut nuuttut inuuniarnikkut katataasinnaasut, inuiaqatigiit akornannut akulerunniarneq ajornartorsiutaasimappat, Susanne Hansen oqarpoq.
Kalaallinut siunnersuarfik 2003-mi pilersinneqarpoq.
