Angut inuusuttoq 23-nik Københavnimut nuunneq, kinaassutsiminik isertuussiusmasoq ima oqarpoq:
- Siorna Kalaallit Nunaannukartussaagaluarama utinngitsoorpunga. Maani uninngarujuussaanga initaarnissama tungaanut, 23-nik ukiulik oqarpoq.
Taassuma Københavnimi suliffittaarnissaq initaarnissarlu ilimagisaminit ajornakusoornerusimaqisoq oqaatigaa.
- Qaammatit pingasut ingerlaneranni initaanngikkuma, taava immaqa allamut ingerlaqqissaanga, 23-nik ukiulik oqarpoq.
Københavnimi kalaallit inuuniarnikkut ajornartorsiortut naapittarfianni, Naapiffimmi, sulisunut ajornartorsiut takornartaanngilaq.
- Kalaallit inuusuttut ilaat eqqarsartarput Københavnimi nuannersorpassuarnik pisoqartartoq, tassami Christianiaqarpoq aammalu Enghave pladsimi kalaallit ataatsimuualaartarput. Ilaannikkulli pisartut tamakku artorsaatigilertarpaat, ilaallu Kalaallit Nunaannut utertinniartarpagut, ilaannaalli uterusuttarput. Kisianni Københavnimi inuuniarneq ajornajusoorsinnaasorujussuusarpoq, minnerunngitsumik inuusuttunut angerlarsimaffeqanngitsut unnuisarfiannut inissinneqarnissamut tulluutinngitsunut, taama oqarpoq Susanne Meyer.