Danmarkimut ilinniariartartut amerliartorput

Kalaallit Danmarkimi ilinniarniarut ukiup siulianut naleqqiullutik ukiormanna amerlanerupput. Kalaallit Illuutaanni ilinniartunik siunnersuisartut tamanna oqaatigaat.
Allattoq Najaaraq Egede
aggustip 21-at 2009 11:10

Århus, Odense Københavnilu taamaalillutik siorna kalaallinik 182-inik ilinniartortaarsimasut ukiormanna 35-nik ilallutik 217-iupput.

Københavniinnarmi ilinnialersut siorna 48-simariarlutik maannamut 75-inngorsimapput, Københavnimi ilinniartunik siunnersorti Gitte Hertling taama oqarpoq.

- Århusimut, Odensemut Københavnemullu ilinniarfinnut qinnuteqarsimasut amerlisimapput, siorna 128-iullutik ukiormanna 200-t angungajappaat. Købehavnemi ilinniariartortut malunnartumik amerleriaateqarsimapput, tassani siorna ilinnialersut 47-uusimapput ukioq manna 71-iullutik.

Odensemi siorna ilinnialersut 51-iupput ukioq manna 58-iullutik Aahusimilu siorna 84-iullutik ilinnialersut ukioq manna 88-it ilinnialertussanngorput. Nunatsinniit aallarlutik Danmarkip avataanut nunanut allanut ilinniariartortut ukioq manna 16-iupput siorna aqqaneq marluusut. Aalborgimiit kisitsisinik pissarsisoqarsinnaasimanngilaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq