Danmarkimukarnermi nassatat killeqalissapput
Nunatsinniit Danmarkimut timmisartuni sillimaniarneq sukannernnerulersinneqartussanngorpoq.
Novembarip arfernanniit ilaasunut Danmarkiliartunut nassatanut tigummianut atatillugu sillimaniarnikkut sukannernerusunik malittarisassaqalissaaq, tassungalu
EU-mi silaannakkut angallannermi nassataqartarnermut malitterisassanik sukaterisoqarsimanera aallaaviuvoq.
Nassatani tigummiakkani imerpalasunik imallit killeqalissapput. Taskermiut, soorlu qaqorsaatit, kigutinut qaqorsaatit tipigissaatit imeruersaatillu puussiamut matuneqarsinnaasumut 1 literimut immiunneqartassapput.
Puussialli nassatanut imerpalasunik imalinnut puussat Air Greenlandimi suli pissarsiarineqarsimanngimmata sulisoq ataaseq puussanik sumi pissarsisoqarsinnaaneranik maanna paasiniaatinneqartoq, Air Greenlandip pisortaanera Flemming Knudsen oqarpoq.
Novembarip arfernata kingorna Danmarkiliartussanut nassatat pillugit ilisimatitsissut, Air Greenlandip nittartagaani sapaatip akunnerata tulliani atuarneqarsinnaalissaaq.
