Danmarkimit inuulluaqqusissapput

decembarip 23-at 2004 17:30

KNR-TV unnukkut isiginnaarniaraanni isiginnaagassat ilagaat kalaallit Danmarkimiittut Vejlemit juullimut inuulluaqqussutaat kalaallit peqatigiiffiinit pisarnertut aaqqissuunneqarsimasoq.

Danmarkip radioata pisarnertut Kalaallit nunaannut juullimi inuulluaqqussutaa ullut 14-t qaangiupput KNR-kkut aallakaatinneqarmat, isiginnaarneqarluarsimavorlu assammik arsamik Europami pissartanngorniunnerup kinguninngua aallakaatinneqarallartilluni.Danmarkip radioata sulisuinut atuagassiami oqaatigineqarpoq inuit millioninit amerlanerit Julie Berthelsenip nakorsallu TV-kkut aallakaatitsisartup Peter Qvortrup Geislingip aqutsinerat malinnaaffigisimagaat, atuagassiamilu tassani Dråbenimi oqaatigineqarpoq inuulluaqqusineq taanna aatsaat taama isiginnaartoqartigisimasoq.

1992-mit 2002-mut isiginnaartut 350.000-it missaanniissimapput, 2003-mi 650.000-nngajaasimallutik ukioq mannalu tassa milliuunit qaangersimallugit.