Danmarkimiit ataatsimoortumik tapiissutit atorunnaaqquai

Kalaallit Nunaanni meeqqat atugaat kalaallit politikeriisa pitsaanerulersissinnaanngippatigik, Danmarkip Kalaallit Nunaannut ataatsimoortumik tapiissutai atorunnaarsinneqartariaqartut, konservativit Kalaallit Nunaat pillugu oqaaseqartartua, Per Ørum Jørgensen, oqarpoq.
apriilip 22-at 2009 07:23

Sioorasaarineq taanna aviisimi Berlingske Tidendemi allaaserineqarpoq, Inatsisartunut juunip ulluisa aappaanni qineqqusaarniartunut tusaqqusaarutaalluni. Tunuliaqutaavoq 2007-imi misissuisitsisimanermi paasisat, tassa Kalaallit Nunaanni meeqqat atuartut 17 procentii amerlanertigut kaallutik innartartut.

- Pissutsit iluarsineqanngippata aningaasat aqqutigalugit iliuuseqartariaqarpugut, soorlu ataatsimoortumik tapiissutit peernerisigut, Per Ørum Jørgensen aviisimut Berlingske Tidendemut oqarpoq.

Danmarkimit aatsaat taama sakkortutigisumik qisuariartoqarnera Poul Ørum Jørgensenip nassuerutigaa.

- Neriuutigaarpulli politikerit qinigaasussat iliuuseqarumaartut, meeqqat pillugit Naalagaaffiit Peqatigiit maleruaqqusaat naapertussagaat, Per Ørum Jørgensen oqarpoq.