Danmarkimi ”Inuit” tapiissutinik ilanngartuunneqaqqunngillat

Namminersornerullutik Oqartussat kalaallit Danmarkimi peqatigiiffiinut tapiissutinik ilanngarterisimanerat Kalaallit Peqatigiiffiisa Kattuffiata ”Inuit”-p naammaginngilaat. Sermitsiap nittartagaani tamanna atuarneqarsinnaavoq.
Allattoq Lotte Holm
marsip 23-at 2009 12:21

Tamatuma kinguneraa nunaqqatitsinnik ikiuinissatsinnik periarfissatta killilerneqarnera, kattuffik Namminersornerullutik Oqartussanut ammasunik taama allagaqarpoq.

Namminersornerullutik Oqartussaniit peqatigiiffinnut tapiissutaasartut 300.000 koruuniniit 250.000 koruuninut apparput. Sermitsiap nittartagaani tamanna atuarneqarsinnaavoq.

- Kalaallit amerligaluttuinnartut Danmarkimut nuuttarput, ajornartorsiutiminnillu paasinnissinnaasunut attaveqartarnissaminnut periarfissaqassappata, peqatigiiffiit Kattuffimminnit tapiiffigineqartarnissaat pingaaruteqartorujussuuvoq, Kalaallit Peqatigiiffiisa Kattuffiat, Inuit, Namminersornerullutik Oqartussanut allappoq. Namminersornerullutik Oqartussat tapiissutinik allanngortitsinerata kinguneraa Danmarkimi peqatigiiffinnut tapiissutit 20 procentip missaanik ikinnerulernerat.

- Peqatigiiffiit Danmarkimi kalaallinik sullissinerat akornuserneqarpoq, Kattuffik Inuit ataatsimeersuareerluni ammasumik allakkamini taama oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq