Danmarkimi unnuaq ikuallaasoqaqattaaqqippoq
Danmarkimi unnuaq ikumatitsisoqarlunilu ikuallaasoqaqattaaqqippoq. Annikitsunik ikuallaasoqaqattaarlunilu sakkortuumik ikuallatsitsisoqarpoq, tassa Bagsværdimi atuarfiit ilaanni Værebro Skole-mi atuarfiup illutaasa ilaat nunguilluni ikuallammat.
Allattoq Louise M. Kleemann
Københavnimi, Århusimi, Sjællandip Avannaani, Ringstedimi Slagelsimilu ikuallatsitsisoqaqattaarnerit kingunerannik inuit qulit tigusarineqarsimapput.
Københavnip kippasinnerusortaa eqqugaanerpaavoq, tamaanimi ikuallatsitsinerit 19-usimagamik. Politiit oqaatigaat eqqissiviilliorneq eqimattanit mikisualunnit aqunneqartoq, iliuuseqarnerit ataasiakkaat atorlugit iliuuseqaqattaartunit.