Danmarkimi timmisartoqqusinnginneq ullumi sivitsorneqarpoq
- Islandimi qaqqap innermik anitsinera unikkiartulersussatut oqaatigisariaqalissasoq siumoortumik naatsorsuinerit ersersikkiartulerpaat, assilisanilu nutaani tigusatsinni innermik anitsisup qullaatsitai qutsissorsuami inissisimajunnaarsimapput taakkualu anorimit uagut tungitsinnukaajunnaarsimallutik, tassalu imaappoq taakkununga pissutaasoq maanna tassa anitsiunnaarallarsimasoq, Bo Pedersen oqarpoq.
Timmisartulli aqagu ullaakkut nal. arfineq-pingasunngorpat tingiumaarnersut Bo Pedersenip neriorsuutigisinnaanngilaa, tamannami manna tikillugu nalunaarutaannaagallarmat.
- Timmisartut aallartinnissaat isumannaatsuunersoq qulakkiivittariaqarparput, maannakkuugallartorlu ilimasaarutit nuannersut nutaasiassarigallartariaqarpavut, tassa qaqqaq innermik anitsiunnaarsinnaasoq, kisiannili qaqugu tamanna piumaanersoq oqaatigisinnaanngilara, Bo Pedersen naggasiivoq.
Europamili sumiiffinni arlaqartuni timmisartunut mittarfiit ammarneqarput. Assersuutigalugu Norgep silaannartaa ammaaffigineqarpoq, Sverigemilu mittarfik Arlanda Stockholmip eqqaaniittoq ammaqqinneqarluni. Tamanna aamma Gøteborgimi mittarfimmut atuuppoq.
Europamilu mittarfiit arlallit ammarneqarnerat qallunaat takornariat attartorlutik angalasut ingerlariaqqissinnaajunnaarsimasut Europap kujataatigoorlutik bussinik angerlartariaarupput. Mittarfiit Danmarkip qanitaaniittut ammarnerat atorluarneqarpoq.
