Partii nutaaq taaguuteqarpoq Fremad kalaallisut Siumut, taanna pilersinneqarpoq partiimi Liberal Alliancemi pilersitseqataasimasunit Christina Egelundimit aamma Simon Emil Ammitzbøll-Billemit.Assi: Philip Davali/Ritzau Scanpix

Danmarkimi talerperliit nutaamik parteeqalerput

Liberal Alliancemi ilaasortaasimasut marluk partiimik nutaamik pilersitsipput taaguuteqartumik 'Fremad'.

Danmarkimi nutaamik parteeqalerpoq.

Partii nutaaq taaguuteqarpoq Fremad kalaallisut Siumut, taanna pilersinneqarpoq partiimi Liberal Alliancemi pilersitseqataasimasunit Christina Egelundimit aamma Simon Emil Ammitzbøll-Billemit, aviisi Berlingske taama allaaserisaqarpoq.

Simon Emil Ammitzbøll-Bille, Danmarkimi partiit talerperliit naalakkersuisuutitaqarneranni aningaasaqarnermut nunamullu namminermut ministeriusimasoq partiimi nutaami siulitaasunngussaaq.

'Fremad'  Jakob Ellemann-Jensen toqqassavaat

Folketingemut qinersinermi kingullermi Liberal Alliancemut qinersisut ikileriarujussuarput, 13-nik ilaasortaateqariarlutik sisamaannat folketingemut qinigaapput.

Partiimilu ajornartorsiorneq pilerpoq. Sapaatillu akunneri arlaqartut qaangiummata, Ammiitzbølls-Billep aamma Egelundip Liberal Alliance qimappaat.

Maanna qulakkeerlugu oqaatigineqarsinnaalerpoq, folketingemut qinersinerup kingorna partiip Fremadip Venstret siulittaasuata Jakob Ellemann-Jensenip ministeriunissaanik toqqaanissaat.

Partiip nutaap pilersinneqarneratigut Danmarkimi partiit talerperliit qulingiluanngorput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat