Danmarkimi suliffeqarfiit kamaqaat

Paasissutissat aningaasaqarnermut tunngassutillit isertugaalluinnartut tamanit takuneqarsinnaanngorlugit internetikkut saqqummiunneqarnerat danskit suliffeqarfiutaannit kamaatigineqaqaaq.
aggustip 05-at 2009 07:48

Islandimi aningaaserivissuup Kaupthinip akiligassalinnut allattuiffia isertuussaalluinnaraluartoq internetikkut saqqummiunneqarmat.

Danskit suliffeqarfiutaat 61-it akiligassalinnut allattuiffimmi eqqaaneqarput, taakkununnga ilaallutik Carlsberg, Dong, Arla aamma A.P.Møller-Mærsk, taakku katillutik 45 milliardi koruuninit sinnerlugit Islandimi aningaaserivimmiit atorsimapput.

- Naleqqutinngilluinnarpoq inatsisinillu unioqqutitsinerulluni, taamaattunik nassaarnera tuppatigilluinnarpara. Akuersaarsinnaanngilluinnarparput, Danfossimi pisortaaneq, Niels B. Christensen, Danmarkip Radioanut oqarpoq.

Namminersorlutik Oqartussat akiligassalinnut allattuiffimmi ilaasut ippassaq Radioaviisimi oqarpugut - tassa 1,7 milliardi koruuninik atorsimagamik.

Aningaasaqarnermut Naalakkersuisoq, Palle Christiansen, aamma isumaqarpoq paasissutissat isertuussat saqqummiunneqarnerat akuerineqarsinnaanngitsoq.