Pingajussaanik akiuussusersuisoqalernera Danmarkimi peqqissutsimut aqutsisoqarfiup nalilersuineranik tunngaveqarpoq. Assi: Claus Bech/Ritzau Scanpix

Danmarkimi sioqqutsisumik pingajussaanik covid-19-mut akiuussusersuisoqarpoq

Danmarkimi innuttaasut aappassaanik akiuussusertinnerminninngaanniit ukiup affaa qaangiutingajalersorlu maanna allagarsiortorput pingajussaanik akiuussusertikkiartoqquneqarlutik.

Pingajussaanik akiuussusertinneq sapaatip akunnerinik marlunnik sioqqutsisumik Danmarkimi maanna atorneqalersoq, Danmarkimi peqqissutsimut ministeriap tusagassiutinut avammut nalunaarutigaa.

Taamaalillunilu Danmarkimi innuttaasut aappassaanik akiuussusertinnerminninngaanniit ukiup affaa qaangiutingajalersorlu maanna allagarsiortorput pingajussaanik akiuussusertikkiartoqqullugit.

Akiuussusertinnissamut sioqqutsisoqarnera amerlanerusut akiuussusertinnissaat pillugu sukaterinermik aallaaveqartoq erseqqissaatigineqarpoq.

Tamannalu aamma Danmarkimi peqqissutsimut aqutsisoqarfiup nalilersuineranik tunngaveqarportaaq.

Peqqissutsimut ministeri Magnus Heunicke Twitterimut allappoq, corona nutaatut takkuttup kingulliup Omikronip siaruaatilinnginnerani sapinngisaq tamaat piffissamik atuilluartoqartariaqarmat sioqqutsisumik pingajussaanik akiuussusersuilluni kapoorisoqartariaqartoq.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl