Danmarkimi silarlussaaq
Danmarkimi silasiorfiup DMI-p aammalu aqquserngit pillugit pisortaqarfimmit Vejdirektorat-imit nalunaarutigineqarmat, juullisioriarlutik angalasut juullimi apuuffissaminnut anngussinnaanerat qularineqarmat.
Danmarks Radiomit oqaluttuarineqarpoq, akunnerit tulliuttut 24-it ingerlanneranni ornitamut aallaraanni apuuffissamut juullisiornissaq qulakkeerneqassasoq.
Nittaalluni anorersuarnissaa aammalu angallattut amerlasuut pissutaallutik angalaniarnermi akornusersorneqarnissaq pinaveersaarniaraanni, akunnerit 24-it tulliuttut ingerlaneranni nukingertoqartariaqarpoq, Majbritt Trojek Vejdirektoratemeesoq DR-imi nutaarsiassaqartitsivimmi P3 oqaluttuarpoq.
vejdirektoratet Aqquserngit nakkutigineqarnerannut pisortaqarfimmi sulisinnaasut tamarmik sulisinneqarput. Ulluni tulliuttuni annertuumik apinissaa silasiortunit aarlarisaarutigineqarmat, Danmarkimi aqquserngit nakkutigineqarnerannut pisortaqarfik Vejdirektoratet taamatut nalunarpoq.