Danmarkimi qarsutsinerit pisinnaasut
Eqqugaanerpaasussatullu naatsorsuutigineqartut ilaat tassaavoq Jyllandip kangiani illoqarfik Haderslev.
Qarsutsineqarnissaa pinngitsoortinniarlugu puunik sioqqanik immikkanik ippassaq ullup qeqqaniilli sapusiortoqalerpoq.
Jyllandip kangiani qatserisartut annaassiniartartullu pisortaata tullersortaata Lars Krogip sumut killissimanerlutik oqaluttuaraa:
- Sulineq ingerlavoq, puut sioqqanik immikkat 14.000-it missaat naammassereerpagut, aamma saputit angallattakkat maanga tikiunneqareerput, Lars Krog Danmarkip Radioanut taama oqarpoq.
Puut sioqqanik immikkat 25.000-it atussallugit naatsorsuutigaat, taakkulu maannakkorpiaq iliorarneqaleruttorput.