- Akisunerulernissaat sulissutigiuassavarput, inuimmi pujortartarnertik pissutigalugu kræfteqalersartut allatigulluunniit napparsimalersut ikilisinneqarnissaat kissaatigaarput, Kræftens Bekæmpelsep pisortaa Jesper Fisker oqarpoq. Toqqorsivimmit assi

Danmarkimi sikaritsit aamma akitsortut

Sikaritsilli Kalaallit Nunaannisulli akisutigilissanngillat. danskilli naalakkersuisuisa partiillu tapersersortaasa sikaritsit poortat 20-kkaartut 15 koruuninik akitsorlugit 55 koruuninut siullermik qaffappaat.

- Inuiaqatigiit 2030-mi pujortartarunnaartunngorsimanissaannut anguniakkamut alloriarneruvoq pingaarutilik. 55 koruuninut akitsoqqaarnagit 60 koruuninut ingerlaannaq akitsorneqarnissaat kissaatigigaluarparput. Inuusuttulli pujortartartut ikilisinneqarnissaannut partiit isumaqatigiissut alloriarfigimmassuk nersualaartariaqarput, Kræftens Bekæmpelsep pisortaa Jesper Fisker oqarpoq.

Sikaritsit akitsorneqarnissaat, Danmarkimi innuttaasut akornanni amerlanerussuteqarluartut tapersersorpaat, inuimmi quliugaangata arfineq-marluk sikaritsit poortat 60 koruuninik akeqanngikkunik akisunerulernissaat tapersersorpaat. Tamannalu maanna piviusunngortussanngorpoq.

Sikaritsillu poortat Norgemisut Kalaallit Nunaannisullu 90 koruuneqalersinneqarnissaat Kræftens Bekæmpelsep kissaatigaa.

- Akisunerulernissaat sulissutigiuassavarput, inuimmi pujortartarnertik pissutigalugu kræfteqalersartut allatigulluunniit napparsimalersut ikilisinneqarnissaat kissaatigaarput, Jesper Fisker oqarpoq.

Sikaritsinilli akitsuineq Danmarkimi inuusuttut pujortartarunnaarnissaannut kisiartaalluni iluaqutaanavianngitsoq, Jesper Fiskerip erseqqissaatigaa.

AAMMA ATUARUK Inuusuttut pujortartartut inatsisissatut siunnersuutikkut ikilissasut

- Sikaritsinik akitsuineq tunngaviusumik atuarfinni inuusuttullu ilinniarfiinni pujortartoqaqqusaajunnaarneranik, sikaritsit pisiniarfinni saqqumeqqusaajunnaarnerannik ilisarnaateqanngitsunillu pooqarnerannik malitseqassaaq. Malittarisassallu tunisassianut tupanik nikotinimilluunniit akulinnut, aamma e-sikaritsinut assigisaannullu navianartunik akulinnut tamanut atuutissasut, Jesper Fiskerip erseqqissaatigaa.

Folketingimi partiit tamannarpiaq isumaqatigiinniutigileruttorpaat, Kræftens Bekæmpelsellu ilimagaa suliniutit sunniuteqarluartussat akueriumaaraat.

Danmarkimi inuit 13.600-t pujortartarneq pissutigalugu ukiut tamaasa toqusarput. Kræftertut quliugaangata marluk pujortartarnertik pissutigalugu kræfteqalersimasuusarput. Pujortartarnerlu pujortartartut amerlasuut inuunerannik sivikillisaataasumik nappaaterpaalunnik pilersitsisarpoq. Tamannalu ingammik inuit isertitakinnerit eqqugaanerannik inuillu peqqissutsikkut assigiinngissuseqarnerannik kinguneqartarpoq.

AAMMA ATUARUK Ilisimatooq akitsuutit pillugit: Akisunerulersitsineq peqqinnerulersitsisinnaavoq

- Akitsuutinik qaffaaneq inuit pujortartartut eqqugaanerunerannik kinguneqartoq ilisimavara. Akitsuutinilli qaffaaneq pisariaqarpoq. Qitornavut ernuttavullu siulliarsuisulli pujortartarnermik uerinissaat ingalassavarput. Inooriaatsimillu aallaaveqartumik peqqissutsikkut assigiinngissuseqarnerat aamma aaqqiivigerusupparput. Taamaattumik danskit naalakkersuisuisa partiillu tapersersortaasa pujortartartut pujortartarunnaarnissaat anguniarlugu neqeroorutinut aningaasaliissuteqarnerat nuannaarutigaarput.

10 millionit koruunit pujortartarunnaarnissamut nakorsaatinut innuttaasunullu ikiortarialinnut neqeroorutinut 2020-imiit 2023-mut ukiut tamaasa aningaasaliissutigineqartartussat aningaasanut inatsimmi nutaami ilanngunneqarput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat