Danmarkimi saarullinnik piseqqusinngillat
Pinngortitaq pillugu nunarsuaq tamakkerlugu suliniaqatigiiffik – WWF – Danmarkimiittoq maanna atuisut aalisagaarniarfinni pisiniarfinnilu saarullinnik piseqqunagit kajumissaaruteqarpoq.
Suliniaqatigiiffimmit oqaatigineqarpoq Danmarkimi saarulliit pisiarineqarsinnaasut amerlanersaat saarullinnit nungutaalersuneersuusut. Tamanna tulaanneqartartunik avataanit tikisitanik suliniaqatigiiffiup missuisimaneraneersuunerarneqarpoq.
Danmarkimi aalisartut peqatigiiffianni siulittaasup, Flemming Kristensenip, taama kajumissaarineq pissutissaqannginerarpaa.
Ukiuni kingullerni saniatigooralugit pisat avalatseqqinneqartarnissaat suliniutigineqartorujussuuvoq. Aammattaaq saarulleqarfiit saarullinitseqqinneqarnissaannik pilersaarutinik suliaqartoqarpoq aamma Danmarkimi aalisakkanik tulaassuiffigineqartartuni aalisakkat karsiinik elektronikki atorlugu ilisarnaasersuinermik ineriartortitsisoqarpoq, taamaalilluni unioqqutitsilluni aalisarneq killilersimaarneqarniassammat.
