Danmarkimi nalunaaqutaq 16.00 qinersisartut 62,7 procentii qinersiartoreerput. Ritzauip kommuninut taasivinnullu paasiniaarnerata tamanna takutippaa. Asseq: Scanpix

Danmarkimi qinersiartortut kingullermik qinersinermut naleqqiullugit amerlanerusut

Danmarkimi Folketingimut qinersineq nalunaaqutaq arfineq pingasunut ammarneqarneranit qinersisartut allakkatigullu qinersereersimasut ilanngullugit 51,3 procentiisa missaat qinersiartoreerput, taamaattumillu 2015-imi qinersinermut naleqqiullugu amerlanerupput.

Qinersiartortut procentinngorlugit naatsorsorneqarnerat qinersinermut kingullermut naleqqiullugu ullup ingerlanerani tamatigut qaffasinneruvoq.

Danmarkimilu nalunaaqutaq 16.00 qinersisartut 72,7 procentii qinersiartoreerput. Ritzauip kommuninut taasivinnullu paasiniaanera qinersisartunik 478.304-nik tunngaveqartoq taama takutitsivoq.

2015-imi qinersisoqarmat piffissap taamaalinerani qinersiartortut 49,7 procentiupput.

Taamaammat Danmarkimi nalunaaqutaq marlunngortoq qinersisartut affaat qinersiartoreerput.

AAMMA ATUARUK Assiliartalersugaq: Folketingimut ilaasortat nunatsinneersut suliarisartagaat

Socialdemokraatillu siulittaasuat Mette Frederiksen mianersortumik isumalluartoq Danmarkip Radioata taasiviup silataani naapippaa. 

- Qinersisartunik isumasiuinerit qanoq upperitigissanerlugit nalunara. Socialdemokraatilli ilassilluarneqarnerat malugisinnaavara, aamma socialdemokraatit ilaasa ukiualunni allanik qinersisimagaluarlutik tamatumuuna uatsinnik qinersiniarnerat malugisinnaavara. Amerlasuut uannut taama oqarpoq. 

AAMMA ATUARUK Grafik: Det bestemmer Folketinget i Grønland

Aamma ministeriuneq Lars Løkke Rasmussen qinersiartorami qiimavoq, naak qinersisartunik isumasiuinerit takutikkaluaraat naalakkersuisoqatigiivi kinguariartussanngortut. 

- Qinersisartunik isumasiuineq eqqartorneqarsinnaasutuaq tassaavoq qinersinerup inernerata unnugu nalunaarutigineqarnera. Ernumanngilanga, aamma Piet Hein qineqqusaarnermi matumani arlaleriaqalunga issuartarpara: "Upperisaq ilumoorfigigaanni aamma eqqissisimaneq pigineqarsinnaavoq", ministeriuneq oqarpoq.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat