Danmarkimi qeqertat ilaat tuniniarneqalerpoq

Qeqertaq inunnit sananeqarsimasoq, nunarsuarmilu annersaasoq, Københavnimiit angallammik minutsit 20-t missaat atorlugit tikinneqarsinnaavoq.

- 65-inik ukioqalereerama kingornussisussaqarnangalu tuniniarpara, qeqertap ingerlannera imaannaanngitsuuvoq. Inuusuttunik marlunnik erneqarpunga, taakku ulluinnarni suliakka nangissallugit soqutiginngilaat, taamaammat suli silappaaritsillunga siunissami ataavartumik piginnittussaqarnissaa qulakkeerusuppara, Peter Bech aviisimut Berlingske Businessimut oqarpoq.

Pallittaalisaq Kunngip Chistiaap qulingiluaata 1890-imi sanavaa, granitsit betongillu Bornholmimeersut 2,5 millionit tonsit atorlugit sananeqarluni.

Pisisussap piareersimaffigissavaa qeqertaq pallittaalisarlu kikkunnilluunniit orninneqarsinnaassammat, erlinnartuutaavormi. Qeqertaq pallittaalisarlu 17.000 kvadratmeteritut angitigisoq aamma eqqissisitaapput.