Nunatsinni Brugsen-imut ilaasortat Danmarkimi Brugsen-inut pisiniarsimagaangamik agguagarsitinneqartalernissaat pilersaarutaasoq, Kalaallit Nunaanni Brugsen-it siulersuisuini siulittassoq Arne Lund oqarpoq.
- Tassa taanna eqqarsaat nutaajunngilaq, atortorissaarutinik pisinnaasat annertusiartortillugit taanna pivusunngulerpoq. Tassa aasaq 2005-mimi FDB, tassa Qallunaat Nunaanni brugsen-it ataatsimeersuarnerani ilanngupparput akuerisassanngorlugu. Taannalu aamma akuerineqarpoq, Arne Lund oqarpoq.
Taanna aperineqarpoq, ilaasortaasut allagartaat taarserneqassanersut.
- Tassa taama eqqarsarsimagaluarpugut. Kisianni tassa oqaatigivaat pisariaqanngitsorooq, taakkua allagartavut atorlugit tappavani aamma niuerniarsinnaavugut taarsinngikkaluarlugit.
Kalaallit Nunaanni Brugsen-it siulersuisuini siulittaasoq Arne Lund taama oqarpoq.
Danmarkimi najugallit Brugsen-iminni ilaasortat nunatsinnukarunik tappavani allagartatik atorlugit nunatsinni niuerniarsinnaalissasut Arne Lund amma oqarpoq.