Danmarkimi partii nutaaq Nye Borgerlige atsiornernik akuerisaasunik 20.100-nik pissarsisimavoq.
Partii talerperliuniaasoq Folketingimut sassartitaqarnissamut piareertoq TV2-p allaaseraa.
Nye Borgerligep Folketingimut sassartitsisinnaanissamut akuerisaasinnaanissaminut allaffissornikkut naammassiniagassai ikittuinnanngortut, partiip siulittaasuata Pernille Vermundip nutaarsiassaqartitsivimmut Ritzauimut ullualunnguit matuma siornatigut oqaatigaa.
Kina statsministeritut piukkunneritik suli oqaatigiumanagu, Pernille Vermundip ullut sisamat matuma siornatigut oqaatigaa.
- Nammineq piukkoorpunga, tamanna aallaqqaataaniilli oqaatigisarpara, Vermund oqarpoq, nangillunilu:
- Namminerli statsministerinngorsinnaassanngikkuma, taava statsministerimik piumasarisatsinnik pingasunik naammassinnissinnaasumik toqqaarusuppunga, Nye Borgerligep siulittaasua Pernille Vermund oqarpoq.
Danmarkip qimaasunik tigusarisarunnaavinnissaa Nye Borgerligep piumasaraa, pisortaniillu ikiorsiissutinik pisartagaqarniaraanni danskisut innuttaassuseqarnissaq piumasaqaatigalugu, pinerluuteqarsimasullu nunanit allaneersut eqqartuunneqareernermi kingorna Danmarkimit anisitaasarnissaat piumasaralugu.
