Danmarkimi nuna sajussimavoq
Danmarkip avannaata kipparsissortaani ippassaq nuna sajussisamavoq, Danmarkimi nunap sajuttarnerannut allanut naleqqiullugu sakkortugaatsiartumik.
Allattoq Apollo Jeremiassen
februaarip 20-at 2010 13:58
Bo Holm Jacobsen, Aarhusip Universitetiani Geologisk Institutimi lektori aviisip Polikenip aperaa ippassaq nunap sajunnera qanoq sakkortutiginersoq. Taanna akivoq Richterip uuttuutaa malillugu 4,7-usimasoq.
Richterip uuttuutaata 4,7-ip assigaa qaartitsinermi 10 tusind tons trotyli qaartikkaanni. Sorsunnersuup kingulliup nalaani Hiroshimap qaartinneqarnerata sakkortoqqatiganjaa.
Januaarip aqqaneq aappaanni Haitimi nunap sajunnera Richterip uuttuutaa malillugu 7.0-uuvoq. Sakkortussuseq ataatsimik ilagaanni nunap sajunnerata sakkortussusia 32-riaammik ilasarpoq. Taamaammat Danmarkip avannaata kippasissortaani nunap sajunnera, Haitimi nunap sajunneranut naleqqiullugu, tusindedel-eriaammik sakkukinneruvoq. Bo Holm Jacobsen eqqissisaavoq.
