Danmarkimi nuimasut kalaallit meerartaat katersuiniullugit isikkamik arsaanniartut
Jyllandimi illoqarfimmi Hinnerupimi isikkamik arsartartut assigiinngitsunik ajunngitsuliornermik siunertaqartunik ukiuni qulini aaqqissuussisarput.
Ukioq mannalu aaqqissuussineranit sinneqartoorutit nunatsinni meeqqat pisinnaatitaaffiinik pitsanngorsaanermut atorneqassapput.
Hinnerupimi arsartartut Danmarkimi isikkamik arsartartuni ajunngitsuliornerpaasartutut imminnut taasut, nuimasunik unammisartoqatigiit assigiinngitsut sisamat septembarip arfineq-pingajuani unammissavaat.
Nipilersortartut nunanut allanut unammisartut, Quiasaarisartut nunanut allanut unammisartut, TV-kkut aallakaatitsisartut nunanut allanut unammisartui tusaamasarsuillu FCK-meersut. Unammisartut ilaat tassaapput erinarsortartoq Christopher, quiasaarisartoq Carsten Bang, TV-kkut aallakaatitsisartoq Mads Steffensen minnerunngitsumillu nunanut allanut unammisartuusimasut Stig Tøfting aamma Thomas Gravesen.
AAMMA ATUARUK Grønlandsk sejr i velgørenhedskamp på Indlandsisen
Aaqqissuussineq Naalagaaffiit Peqatigiit meeqqat pillugit suliniaqatigiiffiata UNICEF-ip suleqatigineratigut pissaaq, aningaasallu suliniaqatigiiffiup nunatsinni meeqqat pillugit suliaqarneranut atorneqartussanngussallutik.
- Kalaallit Nunaanni meeqqat amerlavallaartut inuuniarnermikkut ilungersuuteqarput. Pissartanngorniunnermi sinneqartoorutit kalaallit meerartaannut pisinnaatitaaffinnik paasititsiniaanermut meeraanerminnilu meeqqat tamarmik pisariaqartitaannik nuannaarnissaannik suliaqarnermut atorneqassapput, UNICEF allappoq.
Gentoftemi ukioq manna UNICEF-ip Illoqarfia 2018-imi pisortatigoortumik toqqarneqarsimasumi Pissartanngorniuttoqassaaq. Tassa imaappoq Gentoftep kommunia tamarmi UNICEF-ip nunatsinni suliaqarneranut aningaasanik ukioq naallugu katersuiniassaaq.