Danmarkimi nattorallit takussaaqqilerput
Sapaatip akunnerata naanerani Danmarkimi nattorallit aatsaat taamak amerlatigisut takuneqarput, tassami timmissanik isiginnaartartut nattorallit 156-it nattoralissuillu arfineq-marluk nalunaarsorsimagamikkit.
Allattoq Louise M. Kleemann
februaarip 14-at 2008 08:30
Tamanna Lennart Pedersenip nattorallit pillugit suliniummi Projekt Ørnimi, Danmarkimi timmiarsiuut Kattuffiata ingerlataani pisortaasup piffissami nutaani rekordiunerarlugu Ritzauimut oqaatigaa.
Nattorallit ilarpassui Lollandimi takuneqarput, tamaanimi nattoralinnik kisitsisut nattorallit 21-t, qeqertap ilaani Dornæs Søndersømi ataatsimoortut takusimammatigik. Nattoralissuit Jyllandip avannaata kangiani takussaanerupput.
Skjern Ådalimi nattoralinnik kisitsisut nattoralik nalunaaqutalik takuaat, taannalu paasinarsivoq Sverigimi nalunaaqutserneqarsimasoq.
Nattorallit ukiuni kingullerni aqqaneq marlunni Danmarkimi aatsaat takussaaqqilerput, ukiuni 100-ngajanni takussaanngereerlutik.
