Assi: UN Photo/Elma Okic/Flickr Creative Commons

Danmarkimi naalakkersuisut nunatsinni mittarfiliortiternissaq oqaloqatigiissutigerusuppaat

Nunatsinni Kinameersut mittarfiliussappata, sillimaniarneq nunanullu allanut tunngasunut poilitikki kalluarneqassanersut danskit naalakkersuisuisa nunatta Naalakkersuisui oqaloqatigerusuppaat. Nunanut allanut tunngasunut politikkimut ataatsimiititaliami Folketingimi eqqartoreerlugit, nunanut allanut tunngasunut ministeri Anders Samuelsen ullumikkut taama oqarpoq.

Apeqqummut tassunga tunngasut Kalaallit Nunaat ataavartumik oqaloqatigisarparput. Sillimaniarnermut nunanullu allanut tunngassuteqartillugit soorunami Naalagaaffimmut tamanut attuumassuteqarpoq.

Anders Samuelsen Ilulissani ataatsimeersuarnermi nalunaarusiap USA-p, Ruslandip, Canadap, Norgep Danmarkillu issittumi imartamut oqartussaaneq eqqissisimasumik aaqqiivigisarniarnerinut tunngasoq, 2018-imi ukiut qulinngortorsiornera nalliussiartorlugu marlunngorpat Kalaallit Nunaannukassaaq.

Kim Kielsen Siumumeersoq, Kalaallit Nunaanni mittarfissualiortoqarnissaanut Danmark akuliuteqqunagu qineqqusaarnermi oqarpoq.

- Isiginnittaaseq taanna nalunngilarput. Sillimaniarnermut nunanullu allanut tunnganngippata ilumoorpoq akuliuttussaatitaanngitsugut, killormuanoorpalli akuliuttussaatitaavugut, Anders Samuelsen oqarpoq.

AAMMA ATUARUK Kinamiut aningaasaliisarnerat aarlerinartoqarpoq

Dansk Folkeparti isumaqarpoq naalagaaffik Kinamut naaggaarluinnartariaqartoq, partiimi siulittaasoq Kristian Thulesen Dahl taama oqarpoq.

- Kinamiut annertuunik sanaartortinneqarlutik nunamut iserniarunik, sillimaniarnermut attuumalissaaq, Kristian Thulesen Dahl oqarpoq.

- Taamaammat mittarfiliortiternerit kinamiut aningaasalersussappassuk isumassarsiatsialaasorinngikkipput danskit naalakkersuisutta kalaallinut nalunaarutigisariaqarpaat, Thulesen Dahl Ritzau-imut oqarpoq.

AAMMA ATUARUK Kina nakkutigaarput

Danmarkip USA-llu suleqatigiinnerannut kalluaasinnaanissaa aamma ernummatigaa.

- Kalaallit Nunaanni sanaartornerit kinamiunit annertuumik akuliuffiginera Naalagaaffeqatigiit akuerissappassuk, pinngitsooratik amerikamiut qisuariartussaassapput, Kristian Thulesen Dahl oqarpoq.

- Danmarkimullu tamanna akornusiisinnaavoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat