Danmarkimi meeqqat inuusuttullu imigassartorpallaarsorai
Vivi Kierip Danmarkimi Peqqinnissamut Qullersaqarfiup nalunaarusiaa mamiatsaatigaa, paasinarmat angajoqqaat ilaasa meeqqatik aqqanilinniit qummut ukiullit imigassaannik pissarsissuttaraat. Tamanna nutaarsiassaqartitsiviup Ritzaup allaaseraa.
Misissuineruttaaq takutippaa meeqqat aqqanilinniit 15-inut ukiullit siornatigorniit imigassartornerulersimasut.
- Meeqqat inuusuttuaqqallu iluatsissinnaanngikkutsigit angajoqqaat saattariaqarpagut, Vivi Kier oqarpoq.
Peqqinnissamut ministeri maanna peqquaa nutaaliorluni meeqqat imigassartornerujussuannut akiuiniarluni suliniuteqaqqullugu.
Vivi Kier isumaqarpoq tamatumuuna angajoqqaat nipituuliorfigineqartariaqalersut.
- Uanga panimma ullumikkut 25-nik ukiullip qujaffigisarpaanga inuusuttuaraanerani imigassanik sakkortuunik imeqqunagu naalakkertarsimagakku, oqarpoq.
Panini 18-liitinnani taamaallaat baajamik viinnimillu ussiisinnaasoq naalakkertarsimavaa.
- Maluginiarparaa meeqqat inuusuttuaqqallu ullumikkut kimittuunik shotsinik taasakkanik sodavandinillu imigassartalinnik imertorujussuusut, Vivi Kier Ritzauimut oqarpoq.
