Danmarkimi meeqqat ikiueqqaarnermik ilinniartinneqarput

-Aperissaanga sukkut annersimanersoq taava misissussavara aanaarnersoq, ajorluinnarpallu ambulancenut sianissaanga. – Tittip, sisamanik ukiullip nalunnilaa qaqugukkut supoorissanerluni, saammarsaassanerluni, mattusersuissanerluni imaluunniit ambulancenut sianissanerluni. Meeqqerivimmimi ”Lærkereden”-imi meeraqatini allat assigalugit ikiueqqaarnissamut ilinniartsinneqarpoq.

-Aamma Sebastiaap, Frederiup, Jespap Thorillu qanoq iliussallutik nalunngilaat. – Aap, kilersimappat eqqiartariaqarpoq.. – saammarsaasariaqarpugut.. – Ambulancenut sianissaagut. – Danmarkimi meeqqerivinni ikiueqqarnissamut pikkorissartitsineq meeqqanit inersimasunillu nuannarineqaqaaq. – Meeqqat najortuarpagut uagullu ikiuisussaavugut, ajunngilarli meeqqat aamma namminneq ikiueqqaarneq misilittarunikku, imminnullu ikiorsinnaallutik, pingasuinnarnilluunniit ukioqaraluaraanni, Ingrid Kolmorten, ”Lærkereden”-imi ningiuusoq oqaluttuarpoq, nangillunilu – iluaqutaalluarsinnaavoq, pingasuinnarnik tallimaannarnilluunniit ukioqaraluaraanni. Ikiueqqaarnermut pikkorissarsimagaangamik angerlarlutik angajoqqaatik oqaluttuuttarpaat, susoqarpat, soorlu anaanartik uppikkaluarpat ambulancenut sianissallutik, meeqqerivimmiluunniit orlulluni kilertoqarpat supoorlugu saammarsaanissaq sulilu saammarsagassaaneruppata soorunami uagut inersimasut eqqannguanniittarpugut. Ajutuulaartoqartuaannarpormi, arpalluni orlusoqartarpoq, arsarluniluunniit.. aqqunartoqassapallu meeqqat sumut sianissanerlutik nalunngilaat, - 112….112.