Danmarkimi meeqqat 60.000-it pissakilliorlutik inuupput

Meeqqat pisinnaatitaaffii pillugit suliniaqatigiiffiit qulit, Meeqqallu pillugit siunnersuisoqatigiit Danmarkip naalakkersuisuinik isornartorsiuipput, meeqqat pisinnaatitaaffii pillugit Naalagaaffiit Peqatigiit aalajangersagaata Danmarkimit unioqqutinneqarnera oqaatigalugu.
maajip 07-at 2009 13:10

Isornartorsiuineq nalunaarusiatut saqqummersinneqarpoq. Meeqqat 60.000-it pissakilliorlutik inuunerat tassani allaaserineqarpoq, soorlu aamma meeqqat pinerluuteqarsimasut pineqaatissinneqarnermi kingorna inersimasut akornanni inissinneqartarnerat isornartorsiorneqartoq.

Qimaasut meeraasa pisinnaatitaaffii aamma unioqqutinneqartutut nalilerneqarput, meeqqat angajoqqaat qimallugit inissinneqartarnerat isornartorsiorneqarluni.

Red Barnet, UNICEF, Børns Vilkår aamma Amnesty International isornartorsiuisunut ilaapput, Naalagaaffiit Peqatigiinnut ukiut tallimakkaarlugit nalunaarusiortarlutik.

Meeqqat pisinnaatitaaffii naalagaaffimmit pingaartinneqaqisut, naalagaaffimmi pissutsinut isumaginninnermullu ministerip Karen Ellemannip oqaatigaa, pitsaanerulersinneqarnissaalli aamma alaatsinaaffigineqartoq erseqqissaatigineqarluni.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq