Danmarkimi meeqqat 60.000-it pissakilliorlutik inuupput
Isornartorsiuineq nalunaarusiatut saqqummersinneqarpoq. Meeqqat 60.000-it pissakilliorlutik inuunerat tassani allaaserineqarpoq, soorlu aamma meeqqat pinerluuteqarsimasut pineqaatissinneqarnermi kingorna inersimasut akornanni inissinneqartarnerat isornartorsiorneqartoq.
Qimaasut meeraasa pisinnaatitaaffii aamma unioqqutinneqartutut nalilerneqarput, meeqqat angajoqqaat qimallugit inissinneqartarnerat isornartorsiorneqarluni.
Red Barnet, UNICEF, Børns Vilkår aamma Amnesty International isornartorsiuisunut ilaapput, Naalagaaffiit Peqatigiinnut ukiut tallimakkaarlugit nalunaarusiortarlutik.
Meeqqat pisinnaatitaaffii naalagaaffimmit pingaartinneqaqisut, naalagaaffimmi pissutsinut isumaginninnermullu ministerip Karen Ellemannip oqaatigaa, pitsaanerulersinneqarnissaalli aamma alaatsinaaffigineqartoq erseqqissaatigineqarluni.