Akuutissaq, PFAS, pasineqarpoq nappaaterpassuarnut assigiinngitsunut pilersitsisuusartoq, soorlu assersuutigalugu tingullunnernut kræftimut kinguaassiorsinnaanermullu aamma akornusiisinnaalluni.Assi: mjmonty/flickr

Danmarkimi manniit akuutissaqanngitsussaagaluit navianartumik PFAS-imik akuutissartaqartut

Kukkukuut silamiutat, tukertitsivimmiut kukkukuusivimmiullu mannii navianartumik PFAS-eqalaartut manniilli akuutissaqanngitsussaagaluit PFAS-eqangaatsiartut, misissuinermi erserpoq.

Manniit akuutissartaqanngitsussat ukiuni kingullerni pisiortorneqaleraluttuinnarput, Danmarkimili tamarmi manniit akuutissartaqanngitsussaagaluit navianartumik PFAS-eqangaatsiartut paasisat kingulliit takutippaat.

Danmarkimi inuussutissat pillugit instituti DTU Fødevarestyrelselu misissuereerlutik tusagassiuutinut taama nalunaarput.

AAMMA ATUARUK Toqunartoq nannup qarasaanut ingerlaartarpoq

Ilimagineqarporlu kukkukuunik nerlersuinermi akuutissaq taanna aalisakkanik qajuusaasianeersuusoq, taamaalilluni manninnut annguttarsimassasoq.

Akuutissarlu taanna pasineqarpoq nappaaterpassuarnut assigiinngitsunut pilersitsisuusartoq, soorlu assersuutigalugu tingullunnernut kræftimut kinguaassiorsinnaanermullu aamma akornusiisinnaalluni.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl