Danmarkimi koruunit 62 miliuunit tillinneqartut
Danmarkimi aningaasanik aatsaat taama amerlatigisunik tillittoqarpoq. Glostrupip politiivisa nalunaarutigaat aningaaserivimmit Loomisimit aningaasat tillitat 62 miliuunit koruuniusut.
Allattoq Louise M. Kleemann
Tillinniat illorsuup immikkoortiternera ilisimarpasilluarlugu iluatsitsillutik tillinniarsimapput.
Paasiniaanermi politiit 50-it missigisaat sulisorineqarput; tilliniarfiullu silaataanit assiliissummit assit misissoqqissaarneqarput, soorluttaaq biilit marluk tillinniat qimaagamik atorsimasaat, nassaarineqarsimasulli misissuiffigeqqissaarneqartut.
2000-imi Glostrup-imi tillinniartoqarmat 41 miliuunit koruunit tillinneqarsimapput. Tillinniarsimasut tallimat afinillilluunniit suli tigusarineqanngillat, ilimatsaanneqarporli Sverigemeersuussasut.