Danmarkimi kommunimut qinersinermi partiit angisuut ajorsarput
Danmarkimi kommuninut qinersisoqarnerani SF aamma Dansk Folkeparti ajugaarujussuarput. Danmarkip Radioata nittartagaani tamanna atuarneqarsinnaavoq.
novembarip 18-at 2009 05:38
SF 7,1 procentimik siuariarpoq, 14,5 procentinit taaguunneqarluni. Dansk Folkeparti 2,2 procentimik siuariarpoq, 8,1 procentinit taaguunnerami.
Partiit angisuut ajorsartuupput. Socialdemokratit kinguariaraluarlutik Danmarkimi partiini suli annersaapput, tassa 30,7 procentinit taaguuneqaramik. Venstre 24,8 procentinit taaguunneqarpoq, kisianni aamma kinguariarluni.
Radikalit Enhedslistilu aamma kinguariarput, Konservativit siuarialaartut.
Liberal Alliancet pernarlutik 0,3 procentinit taaguunneqarput.
Danmarkimi illoqarfinni annerni sisamani, Aalborgimi, Aarhusimi, Odensimi Københavnimilu Socialdemokratit borgmesterinngortitsinertik nuannaarutigisinnaavaat. Frank Jensenip Ritt Bjerregaard Københavnimi taarserpaa.
