Katersuunnermut inassutit nutaat januaarip ulluisa 17-iata tungaanut atuupput.Assi: RitzauScanpix

Danmarkimi killilersuinerit sukannernerulertut: Inuit katersuuttut tallimanit amerlaneroqqusaanngillat

Danmarkimi ornittakkani tamanut ammasuni katersuuttut tallimanit amerlaneroqqusaajunnaarput. Pisiniallu imminnut ingallutik nigorsimaniassapput.

Danmarkimi ornittakkani tamanut ammasuni katersuuttut januaarip ulluisa arfernaniit tallimanit amerlaneroqqusaajunnaassapput.

Inuit katersuuttut qulinit amerlaneroqqusaannginnerannut inassutit siorna oktobarip qaammataanili atuutilersut sukannernerulerput.

Danskit naalakkersuisui tusagassiortunik marlunngornermi katersortitsinermi taama nalunaarput.

- Sapinngisamik angerlarsimaannaritsi, danskit ministeriunerat Mette Frederiksen tusagassiortunik katersortitsinermi oqarpoq.

Taassuma danskit sapinngisamik angerlarsimaffimmi sulinissaannut, ataasiakkaarlutik niuerniartarnissaannut, inoqutigiinniinngitsunik atassuteqannginnissaannut isumaqatigiissutinillu taamaatitsinissaannut kajumissaarpai.

AAMMA ATUARUK Akiuussutissalersuinissamut aana pilersaarut

Aamma politikerit oqartussallu inuit niuertarfinni niuertarfeqarfinnilu meterinik marlunnik nigorsimanissaannut malittarisassaliorput. Coronavirusi siaruatsaaliniarlugu taamaaliorput.

Killilersuinerit COVID-19-ip allaanerusup, tassa cluster B.1.1.7-ip siullermik Tuluit Nunaanni maannalu aamma Danmarkimi tuniluutilersimanera peqqutaalluni sukannernerulerput.

Nappaat allaanerusoq taanna inunnut napparsimanerulersitsineq ajorpoq toqqutaakkajunnerunanilu. Kisianni tuniluutianeroqisoq, naalagaaffiup nappaatinut akiuussutissaliorfia ilisimatitsivoq.

Danmarkimi niuertarfissuit minillugit niuertarfiit tamarmik juullimi matoqqapput, atuartullu angerlarsimaffimmi atuartinneqartarlutik. Sulisartullu periarfissallit tamarmik angerlarsimaffimmi sulinissaannut kaammattorneqarlutik.

4-miit qaffannerpaaffissamut 5-imut sukateripput.

Katersuunnermut inassutit nutaat januaarip ulluisa 17-iannut atuupput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat