Politikki Inuussutissarsiutit

Danmarkimi kilisaataatilissuup raajartassiissutit agguaanneqarnerat kamaatigigaa

Ukioq mannamut raajartassiissutit siornamut naleqqiullugit 14 procentinik ikilisinneqarnerat nunatsinni aalisartunut sunniuteqaannarani aamma danskit aalisartuinut sunniuteqarpoq.

Allattoq Camilla Dam

februaarip 04-at 2015 12:04

Nutserisoq Simon Uldum -

Imami sunniuteqartigaaq, allaat Bornholmimi suliffeqarfik Ocean Prawns ukiut arlaqanngitsut ingerlanerini raajartassiissutimi affaannanngornerisa kingunerisaanik kalaallit politikeriinik appisaluussilluni. DR Bornholm taama allaaserisaqarpoq.

- Kalaallit aalisartoqatitta nammineerlutik raajartassat aalisarsinnaallugit oqarnerat paasilluarsinnaavara.

- Uagulli raajarniarnermik ineriartortitsinissaannik ikiorpagut kalaallillu aalisartuisa raajarniartoqarsinnaaneranik paasisaqarnissaat sioqquterujussuarlugu aamma raajarnialerluta, Ocean Prawnsimik piginnittoq, Kristian Barslund Jensen, dr.dk-mut taama oqarpoq.

Aamma atuaruk Raajartassiissutit ikilineqarneri raajarniat ilaasa akiliisinnaajunnaarnerannik kinguneqarsinnaasoq

Raajartassalli 73.000 tonsiusut amerlanersaasa aalisartunit nunaqavissunit aalisarneqarnissaannik Naalakkersuisut aalajangersimanerat, Kalaallit Nunaanni aalisarnermik aqutsinermik ilisimatusartup Aalborgip Universitetianeersup Rikke Becker Jacobsenip tamakkiisumik taperserpaa.

Raajammi aalisakkanik avammut nioqqutigisartakkatta affaraat, aningaasaqarnitsinnullu pitsaanngitsumik inissisimasumut pingaaruteqarluinnartuullutik, taama nassuiaavoq.

Aamma atuaruk Nutaamik agguaasseriaaseqalernissaq KNAPK-mit neriuutigineqarpoq