Danmarkimi katersugaasivissuup Kalaallit Nunaanneersunik katersat assiliortorpai

Katersat 2000-init amerlanerusut, immaqa 3500-t sinnerlugit puiarneqarlutillu 3D-nngorlugit assiliortorsinnarlugit poortoqqinneqassapput. Peqatigisaanik katersarpassuit Katersugaasivissup ataan naqqup iluaniittut toqqorsiviugallartumut nuunneqassapput kingornalu toqqorsivimmut nutaamut nuunneqassallutik.

Katersarpassuit ilagaat Knud Rasmussenip paasisassarsiorluni angalanerpassuamini Danmarkimut angerlaassimasai.

Katersugaasivissuup assiliisartuisa apriilip aallartilaarnerani naammassinissartik ilimagaat. Katersat siulliit 2000-it maanna assilineqareersimalerput. Assilisassaq kaavisillugu 24-eriarlugu assilineqartarpoq, assillu taakku 3D-nngortinneqartarlutik. Taamaaliornikkut qarasaasiakkut katersat sumininngui tamaasa takuneqarsiinnaalersarput.

Assit toqqorsivimmut iliorarneqassapput, ilisimatuunillu nunarsuarmit tamaneersunit misissuataarneqarsinnaanngussallutik.