Danmarkimi kalaallit meerartaat atugarliortut amerlapput

Kalaallit meeqqat inuusuttullu Danmarkimiittut nunanut allamiunut naleqqiullutik atugarliornerusut, DR tusarliussivoq.

Meeqqat amerlaqisut angerlarsimaffiup avataanut inissinneqartariaqarsimasut, kalaallit meerartaannut suliniuteqartartup Foreningen Grønlandske Børnip Børnedagen suleqatigalugu misissuisitsinerata takutippaa.

Danmarkimi kalaallit meeqqat 60-it sinneqartut ulloq unnuarlu angerlarsimaffinni inissinneqarsimapput, allallu amerlaqisut ilaqutariinni angajoqqaarsiaasartuni utaqqiisaagallartumik inissinneqarsimallutik. Taakkulu amerlavallaarujussuartut, Foreningen Grønlandske Børnimi pilersaarusiornermut pisortaq Jessy Mikkelsen isumaqarpoq.

- Kalaallit Danmarkimiittut amerlassusaannut naleqqiutissagaanni meeqqat atugarliortut amerlavallaarujussuarput. Jessy Mikkelsen oqarpoq.

Ilaqutariit eqqorneqarsimasut ikiorserniarlugit ukioq manna aallaarsimaartitsisoqarsimavoq.