Danmarkimi kalaallit meerartaat amerlasuut ikinnguteqanngillat
Kalaallit meerartaat pillugit peqatigiiffik "Foreningen Grønlandske Børn" misissuisitsinerit arlallit tunngavilugit taama nalunaarpoq.
- Suliniut taallugu ”Danmarkimi inuunerinneq” Peqatigiiffimmit qaammatit arfinillit matuma siorna aallartinneqarpoq, taannalu aqqutigalugu meeqqat angalaqatigiissinneqartarput tammaarsimaartinneqartarlutillu, suleqataasoq Anne Brunk oqarpoq.
- Suliniuterput aallartikkatsigu meeqqat imminnut ilisarisimanngitsut maanna ilisarisimalerput, tamannalu suliniutip aallartisarnerani eqqumaniarfigineruarput. Meeqqat timersoqatigiiffinnut allatigullu meeqqanik allanik naapitaqartarnissaat tulliullugu anguniassavarput, nuannissagaluaqaarlu soorlu atuaqatitillu ikinngutigiittut imminnut pulaartaleraluarpata, Anne Brunk oqarpoq.